Gabon aurreko Topakantan 40 lagun inguru batu ginen, Basartena tabernan, ordu eta erdiz lehengo eta egungo euskarazko abestiak kantatzeko. Oraingoan, halako batean, Peter (alemaniarra... eta euskalduna!) gurekin batu eta gitarra jotzen aritu zen Borjarekin batera.  Beti bezala, ederra izan da.

Euskararen Nazioarteko Eguna dela eta, bertso-bazkaria egin zen Txiberri tabernan, Josu Landeta, Gabi Basañez, Haritz Urrutikoetxea eta Jon Etxebarria bertsolariekin, Idoia Markaida pandero-joleak eta Roberto Etxebarria  trikitilariak girotuta. Giro ederra egon zen!

Oraingoan, Arantxa Urretabizkaia idazlearen  Azken etxea eleberria aukeratu dugu.  Azaroaren 20an (osteguna), arratsaldeko 19:00etan, Basartenan. 

Azaroaren 6an Topakanta ospatu genuen. Regi tabernan, 45 lagun inguru batu ginen, ordu eta erdiz lehengo eta egungo abestiak kantatzeko, eta giro ezin hobea egon zen. Abenduko Topakanta iristeko irrikan gaude! 

Igandean  mendi-ibilaldia egin genuen inguruko berbalagun taldeekin batera (Erandio, Getxo, Laukiz, Leioa, Urduliz eta Uribe Kosta). Goizeko 9:00etan Urdulizko metro geltokitik abiatu ginen Laukizerantz. Euria ez zen oztopo izan! Amaieran mokadutxoa  prestatu ziguten Antsonekoa plazan. 

Gure azken saioan, Adania Shibli idazle palestinarraren  Detaile xume bat eleberriak dituen deitale xumeez aritu gara. Haien bidez, iragana eta oraina lotuta geratzen dira istorio lazgarri horretan. 

Uda sasoia amaituta,  Dena eskaini nizun liburuari  buruz hitz egiteko bildu ginen. Lehenengo aldiz landu dugu nobela beltza gure taldean! Saioa, betiko lez, arratsaldeko 19:00etan izan zen, Basartenan. 

Arbelaitz tabernan elkartu ginen, arratsaldeko 19:00etan, euskal kantutegiaz gozatzeko. Irailekoa izan da denboraldi honetako lehen Topakanta, eta hurrengo hilabete guztietako lehen ostegunean errepikatuko dugu, animatu!

Zoriona, edo antzeko zerbait eleberri laburraren istorio hunkigarriak Mediterraneo aldera eraman gintuen eta  hango  itsaso barearen bakea eta lasaitasuna gertu izan genituen.

Leioatik Erromoraino joan ginen Erandio, Getxo, Laukiz, Leioa eta Uribe-Kostako berbalagunok.

Giro euskaldunean, inguruko bazterrak eta txokoak ezagutu genituen: Arboretum, Kurkudi, San Bartolome baseliza eta Artaza parkea.

Oihane Amantegiren Cayo Hueso liburuari buruz hitz egin dugu maiatzeko saioan. Idazleak Antilletako uharte galdu batera eraman gaitu. 

Hilero bezela kantuan aritu izan gara Mauratza auzoko Txinpi tabernan. Euskalzaleok gozatu dugu kantuan eta euskaraz bizitzen. +info