Ekainaren 4an,  egunenean, uda aurreko azken topakanta ospatu genuen Kalma tabernan.  Horrela, saio horrekin  amaiera eman diogu denboraldiari. 

Maiatzeko saioan, Han Kang idazle hegokorearraren Barazkijalea eleberriari buruz hitz egin dugu. Liburu horrek Booker saria jaso zuen 2016an, eta idazleak Nobel saria irabazi zuen 2024an.

Parte hartu nahi baduzu, orbizta@orbizta.eus helbidera idatzi.  

Mendebalderengo berbakuneak

Iñaki Gaminderen eta Iñaki Gilisastiren eskutik, bertoko euskal prosodia eta morfologia eta uriboztarron itsasalde honetako etxeko euskara zaharra (www.non.eus aintzat hartuta) landu dira ikastaldian. Saioak inguruko hamabi udalerritan izan dira, doan: Berango, Gatika, Getxo, Gorliz, Jatabe-Maruri, Laukiz, Leioa, Lemoiz, Plentzia, Sopela, Urduliz eta Barrika.

Apirileko saiorako, Unai Elorriaga idazle getxoztarraren azken liburua aukeratu dugu: Francesco Pasqualeren bosgarren arima. 

Zortzi lagun batu ginen eta ordu eta erdi inguru aritu ginen liburuari buruz hitz egiten. 

Parte hartu nahi baduzu, orbizta@orbizta.eus helbidera idatzi.

Martxoaren 13an, Urdulizko Kultur Etxeko areto nagusia bete zuen herriko Orbizta Euskera Elkartearen aurkezpenak. 

Ehun eta berrogeita hamar euskaltzale bertaratu ziren. Une hunkigarriak bizi izan ziren, aspaldiko argazkiak ikusi  genituenean edota euskal kultur eragile prestuen agurrak eta animoak jasotzean, bideo laburren sorta ezin txukunagoetan. Herritarron grabazioak, giro ezin hobean, abesbatza, dantza taldea, antzezlantxoa, abeslariak, bertsolariak, txalapartariak, txistulariak: ondo gozatzeko espektakulua suertatu zen bariku honetakoa. Bete-betean asmatutako ekitaldi gogoangarria. 

Argi gelditu da, dena dela,  ORBIZTA aurrera begira dagoen egitasmoa dela eta zuzendaritza berriarekin beste hainbat jardun eder sortuko duela aurrerantzean.

Otsaileko saioan, Eider Rodriguez errenteriarraren bosgarren ipuin-liburuaz (Dena zulo bera zen) luze eta zabal hitz egin dugu.

Hurrengo saioetan parte hartu nahi baduzu, orbizta@orbizta.eus helbidera idatzi. 

Eskalada eta mintzapraktika, Koldo Zubimendi eskalatzaile eta mendizalearen eskutik. 

Urtarrilaren 22an, ostegunean, 17:30etatik aurrera, Astrabuduako Udal Kiroldegian.  

Ekarri beharrekoak: katu-oinak

*Eskaladan apur bat ibilia izatea gomendatzen dugu.

*Leku-kopuru mugatua. Izena emateko: labur.eus/eskalada 

Urte hasierako lehenengo saioan, Barne zerbitzuak eleberri historikoa landu  dugu. Bertan, idazleak 1937-1943 urteetara eraman gaitu, garai hartako emakume batzuen ausardia erakusteko. Gerra, espetxea, kontzentrazio-esparruak, Agirre lehendakariaren ihesa, mezu klandestinoak, espioitza-sarea... hori guztia aipatu dugu gure bileran. 

Domekan, Urdulizko herritar batzuk Barrikako Elordiñe baserria ezagutzera joan ginen, Berbalanean programaren barruan. Goizeko 9:00etan, 11 lagun Plentziako metro geltokitik abiatu ginen Musurieta auzorantz, eta han Jabik bere baserrian duen proiektuaren berri eman eta inguruko padurak eta errota zaharra erakutsi zizkigun. Gosari ederra  prestatu zigun, eta gero, auzolanean aritu ginen.

Gabon aurreko Topakantan 40 lagun inguru batu ginen, Basartena tabernan, ordu eta erdiz lehengo eta egungo euskarazko abestiak kantatzeko. Oraingoan, halako batean, Peter (alemaniarra... eta euskalduna!) gurekin batu eta gitarra jotzen aritu zen Borjarekin batera.  Beti bezala, ederra izan da.

Oraingoan, Arantxa Urretabizkaia idazlearen  Azken etxea eleberria aukeratu dugu.  Azaroaren 20an (osteguna), arratsaldeko 19:00etan, Basartenan. 

Igandean  mendi-ibilaldia egin genuen inguruko berbalagun taldeekin batera (Erandio, Getxo, Laukiz, Leioa, Urduliz eta Uribe Kosta). Goizeko 9:00etan Urdulizko metro geltokitik abiatu ginen Laukizerantz. Euria ez zen oztopo izan! Amaieran mokadutxoa  prestatu ziguten Antsonekoa plazan. 

Urriko Topakanta Urkiak tabernan ospatu dugu, Mauratza auzoan.  Eguraldia alde izan genuenez, terrazan egin ahal izan genuen; bertan, hogeita hamar lagun inguru batu ginen ordu eta erdiko kantaldi musikatuan.

Arbelaitz tabernan elkartu ginen, arratsaldeko 19:00etan, euskal kantutegiaz gozatzeko. Irailekoa izan da denboraldi honetako lehen Topakanta, eta hurrengo hilabete guztietako lehen ostegunean errepikatuko dugu, animatu!

Zoriona, edo antzeko zerbait eleberri laburraren istorio hunkigarriak Mediterraneo aldera eraman gintuen eta  hango  itsaso barearen bakea eta lasaitasuna gertu izan genituen.

Leioatik Erromoraino joan ginen Erandio, Getxo, Laukiz, Leioa eta Uribe-Kostako berbalagunok.

Giro euskaldunean, inguruko bazterrak eta txokoak ezagutu genituen: Arboretum, Kurkudi, San Bartolome baseliza eta Artaza parkea.

Oihane Amantegiren Cayo Hueso liburuari buruz hitz egin dugu maiatzeko saioan. Idazleak Antilletako uharte galdu batera eraman gaitu. 

Hilero bezela kantuan aritu izan gara Mauratza auzoko Txinpi tabernan. Euskalzaleok gozatu dugu kantuan eta euskaraz bizitzen. +info